Pentax Marine 7×50

Har du båt, bør definitivt ein kikkert for marint bruk stå på inventarlista. Enten som hjelpemiddel under navigering, oversikt over andre båtar, studere landskap eller for å sjå kva sluk nabobåten fekk storruggen på. Marine kikkertar er som skapt for aktivt bruk under krevande forhold. Pentax Marine 7×50 Hydro er ein av våre bestselgande båtkikkertar.

Robust kikkert til marint bruk.

Robust kikkert til marint bruk.

Vitale data
7x forstørring, 50mm lysopning, 7 mm utgangspupill og 17 mm augeavstand.

Vekt og storleik
Med sine 976 gram, er Pentax Marine ein nokså tung kikkert. Likevel har denne tyngda ei stabiliserande evne på sjøen, og gjer sitt til at det vert enklare å halde kikkerten stabilt (kikkerten får større «treghet»). Tyngda gir òg kikkerten eit solid inntrykk, og den kjennast godt balansert i handa.

Bildekvalitet
Pentax Marine har synsfelt på 116 meter, noko som kanskje virkar litt lite for ein 7x. I praktisk bruk betyr det ikkje så mykje, men samanlikna med eindel andre kikkertar kan synsfeltet virke litt smalt. Men skarpheten er god i store delar av synsfeltet, og kromatisk aberasjon er bra korrigert samanlikna med tilsvarande kikkertar i denne prisklassa. Dei fleste båtkikkertar har normal vore av porroprimse-typen. Pentax Marine er ein takkantprisme-modell, noko som gjer at bildet ikkje får like god djubdevirkning. Men konstruksjonen gjer kikkerten veldig kompakt, og er såleis eit friskt pust i marinkikkert-verden. Den har litt tønnefortegning, men likevel virkar synsfeltet veldig ok korrigert.
Med 50m lysopning, sørger kikkerten for ein maksimal utgangspupill på 7 mm. Dette sørger for ein svært lyssterk kikkert, som òg vil gi gode observasjonar lagt utover skumringa. Kikkerten brukar Pentax sin anerkjente 7-lags SMC-coating, som sørger for god lystransmisjon gjennom heile det synlige spekteret.

Her ser vi tydeleg utgangspupillen på 7mm.

Her ser vi tydeleg utgangspupillen på 7mm.

Byggkvalitet
Takkantkikkertar er eindel meir kompakte enn porroprismer, og dette merkast på Pentax Marine. Samanlikna med td. Steiner Navigator (ein av dei mest bruke marine modellane), så er Pentax Marine riktig så kompakt. Kikkerten er veldig solid bygd, og ein får eit godt førsteinntrykk. Gummiarmeringa er solid og robust, og sikrar at kikkerten er godt beskytta mot støt og slag. I tillegg sørger armeringa for betre friksjon mot underlaget, noko som er ein fordel når kikkerten skal leggast frå seg i ein båt i bevegelse. Kikkerten fungerer ok for oss med briller, takke vere 17mm augeavstand. Fokuseringa er jamn og presis, men fokuseringshjulet kunne gjerne ha vore litt lettare å justere.
Dette er ein kikkert som er godt beskytta mot dei våte element. Den er sjølvsagt 100% vasstett, og kombinert med ei flytereim er det uproblematisk å miste denne over bord. Skyll i ferskvatn, og alt er ok. Pentax Marine har innebygd kompass med LED-illuminator.
Denne fungerer etter våre erfaringar veldig godt, og kompasskursen lar seg lese av nøyaktig. Ved å dreie på kikkerten ser vi òg at kompasset følger fint med i bevegelsane utan å rykke. Det skal dog nevnast at kompassfunksjonen fungerer best dersom kikkerten vert halden mest mulig horisontalt. Kompasskurs og sikteretikkel for avstandsmåling er synleg i det eine okularet, og påverkar ikkje synsfeltet i stor grad. Kompassfunksjonen er trass alt til for å brukast.

Solide beskyttelseslokk som heng fast i kikkerten.

Solide beskyttelseslokk som heng fast i kikkerten.

Kikkerten kjem med eigne beskyttelseslokk som heng fast ved objektivlinsene. Dette er ei god løysing som sørger for at du alltid har lokka tilgjengeleg. I ein båt er dette utstyr som fort kan rotast bort eller mistast over bord.

Pris
Denne kikkerten ligg rundt 2900 kr, og gir mykje båtkikkert for pengane. Den kompakte storleiken gjer dette til ein seriøst konkurrent til meir tradisjonelle modellar, som td. Steiner Navigator.

Generelt inntrykk
Ein av våre bestselgande båtkikkertar, og ikkje utan grunn. For denne prisen får du ein marin kikkert som er godt gjennomtenkt og utført, med høg optisk ytelse og god ergonomi. Dette er ein kikkert for aktivt bruk, og som taklar røffe forhold på ein god måte. Kikkerten finnast i to fargevariantar. Ein mørkeblå variant, og ein oransje variant. Pentax har lykkast med å lage ein god båtkikkert til ein rimeleg pris.

Sjå Pentax Marine 7×50 Hydro i vår nettbutikk.

Zeiss Conquest HD 8×42

Om det er ein kikkertserie som imponerer oss stort, så er det Zeiss sin Conquest-serie. I denne prisklassa gjev serien deg svært mykje kikkert for pengane. Vårt største ankepunkt er at ikkje fleire har oppdaga denne serien, for du finn knapt ein kikkert som gir deg betre optisk kvalitet i denne prisklassa.

Zeiss Conquest HD 8x42

Zeiss Conquest HD 8×42, for anledninga ein tur langs gamle Strynefjellsvegen.

Vitale data
8x forstørrelse, 42mm lysopning, 5.25 mm utgangspupill, 18 mm augeavstand

Vekt og storleik
Kikkerten ligg godt i handa og virkar godt balansert i bruk. Med sine 750 gram ligg den vektmessig normalt for klassa. Størrelsen er som forventa, og byggkvalitet og design er i høg klasse.

Bildekvalitet
Conquest HD 8×42 har eit generøst synsfelt på 128m/1000m. Kikkerten er herlig skarp, og skarpheten held seg veldig bra nesten heilt ut i kanten på bildefeltet. Litt tendensar til kromatisk aberasjon er synleg i dei mest ekstreme høgkontrastområda, men til vanlig bruk utgjer denne kikkerten ei naturleg forlenging av augene og «forsvinn» nesten i praktisk bruk. Når det gjeld fortegning, så er det tendensar til tønnefortegning heilt i utkanten av synsfeltet (nokså normalt i denne prisklassa). Men likevel er denne ikkje synleg og merkbar i bruk, med mindre du verkeleg ynskjer å stressteste den mot rette linjer. Veldig bra korrigert! Kikkerten taklar motlyssituasjonar veldig bra, og antirefleksbehandlinga gjer absolutt jobben sin. Om du samanliknar den med den dyrare Victory HT-serien, så kan du muligens merke litt svakare lystyrke i skumringa. Dette skuldast at Victory-serien har ein annan type glas med litt bedre lysgjennomtrenging. Men ellers er det ikkje så mykje som skiller desse seriane optisk.

Conquest likar seg godt i all situasjonar, og er ein kikkert som skal brukast aktivt!

Conquest likar seg godt i all situasjonar, og er ein kikkert som skal brukast aktivt!

Byggkvalitet
Conquest er av god, solid Zeiss-kvalitet og har solid gummiarmering for aktiv bruk. Kikkerten ligg godt i handa, og handgrepet kjennast naturleg ut. I motsetning til ein del andre produsentar, har serien ein kompakt senterbjelke som kanskje gir litt mindre valmulighet for handgrepet. Fokuseringshjulet kunne kanskje ha vore litt breiare, slik at ein hadde fått plass til fleire fingrar. Men fokuseringa i seg sjølv fungerer som ein draum, med silkemjuke rørsler, kontant respons og nesten magisk skarphet. Kikkerten har veldig god nærgrense, for dei som er opptatt av dette.
Augeavstanden er på 18 mm, og gjer dette til ein kikkert som fungerer veldig godt for dei som brukar briller. Augemuslingane er av twist-up typen, og fungerer bra. Som dei fleste andre modellar er vèrtettinga ypperleg, og Lotu-Tec belegget på frontlinsene sørge for at vatn og smuss ikkje festar seg så godt.

God yteevne òg utover skumringa.

God yteevne òg utover skumringa.

Pris
Prismessig ligg denne modellen i overkant av 6000,-. Conquest-serien består av mange ulike modellar, frå kompaktmodellar og opp til 15×56. Dei mest solgte er dog modellane 8×32, 8×42, 10×32 og 10×42.

Generelt inntrykk
Conquest er ypperlege allroundkikkertar, med 32mm modellane som eit lettare alternativ til dei lange fjellturane. Treng du litt meir lysstyrke, er 42mm eit betre val. Samanlikna med Victory-serien er Conquest litt mindre robust og manglar den siste ekstra lysstyrka (pga annan type optisk glas). Men til denne prisen får du utan tvil veldig mykje kikkert for pengane, og ikkje minst ein kikkert som kjem til å følge deg i mange, mange år. Conquest HD 8×42 er ein toppklassekikkert til ein mellomklassepris! Treng du 10x forstørring, er HD 10×42 minst like strålande. 

Sjå Zeiss Conquest HD 8×32 i vår nettbutikk. 

Steiner Discovery 10×44

Dette er Steiner sitt flaggskip innan kikkertar for fuglekikking. Med sitt store synsfelt, sylskarpe optikk og gode ergonomi, er dette ein kikkert for komfortabel bruk under lange observasjonsøkter. Eit godt grep, kombinert med praktiske augemuslingar med sidelysbeskyttelse (i god gamal Steiner-stil), gjer dette til ein behageleg kikkert.

Steiner Discovery 10x44

Steiner Discovery 10×44

Vitale data
10x forstørrelse, 44 mm lysopning, 4.4mm utgangspupill, 20mm augeavstand.

Vekt og storleik
Ein kjenner dei 854 gramma, men samtidig gir vekta den ekstra stabiliteten som krevast med 10x forstørrring. Ein lettare kikkert vil ha mindre «treghet», og dermed eit meir ustabilt bilete. Kikkerten måler 18x12x6 cm, og ligg godt i handa med sitt «støypte» grep.

Skulpturert armering for bedre grep.

Skulpturert armering for bedre grep.

Bildekvalitet
Discovery 10×44 har synsfelt på 110m på 1000m avstand. Dette er nokså normalt for kikkertklassa, og litt bedre enn Leica Trinovid 10×42. 
Sylskarp optikk med veldig god randskarphet gjer dette til ein ypperleg kikkert for å observere små og krevande detaljar på fuglar og anna vilt. Den gode randskarpheten gjer det òg enklare å identifisere fuglar som passerer i utkanten av synsfeltet. Randskarpheten får det praktiske synsfeltet til å virke mykje større enn ein skulle forvente. Veldig positivt!
Kikkerten har eit godt korrigert bilete, med minimal fargefeil sjølv under krevande kontrastforhold. Fortegninga er normal for prisklassa, med litt tønnefortegning i utkanten av synsfeltet. Ingenting å kommentere på, til normalt bruk vert ikkje dette lagt merke til.
God overflatebehandling, og bra indre refleksjonsbeskytting gjer sitt til at denne modellen fungerer veldig godt i motlyssituasjonar.

God overflatecoating held indre refleksjonar i sjakk.

God overflatecoating held indre refleksjonar i sjakk.

Byggkvalitet
Steiner lagar solide kikkertar, dog kanskje med litt meir «dill» og overflatestrukturar enn andre merker. Dette inntrykket skuldast kanskje måten gummiarmeringa er formgitt på, tilpassa eit solid handgrep, inkludert støtte for tommel. Augemuslingane er av type twist-up, med oppbrettbare sidelysbeskyttelsar. Brillebrukarar må klare seg ut denne funksjonaliteten, då sidelysbeskyttelsen roterar med augemuslingen og såleis vert ståande på innsida av okularar i nedskrudd tilstand. Det positive er dog at dette er ein kikkert som passar ypperleg for brukarar av briller, vi får eit perfekt synsfelt og perfekt ytelse. Det er individuell diopterjustering på begge okulara, og justeringa held god på innstillingane sine.

Godt og naturleg handgrep.

Godt og naturleg handgrep.

Fokuseringsskruen sit perfekt til for peikefinger, og gangen på fokuseringa er jamn og veldig godt dempa. Ein merkar likevel stor forskjell ved samanlikning av Leica sine modellar, som gjerne har mindre motstand på fokuseringa. Vi skulle kanskje ønske at Steiner sin modell hadde litt mindre motstand, men dette er kanskje meir personlege preferansar. Prøv den og gjer opp di eiga meining.
Discovery 10×44 er sjølvsagt godt vèrtetta, som dei fleste andre modellar i denne prisklassa. Dette er ein kikkert som er laga for å brukast, aktivt! Den solide armeringa gjer kikkerten veldig robust, og vil dempe godt ved ev. fall.

Pris
Discovery 10×44 er ein av dei dyraste modellane til Steiner, men du får mykje ytelse for pengane samanlikna med andre merker. Rundt 13000,- ligg denne modellen på. Vi har samanlikna den med tilsvarande modellar frå andre produsentar, og her ligg den veldig godt an med tanke på kva du får for prisen.

Generelt inntrykk
Ei positiv overrasking, og ein kikkert som verkeleg strålar til sitt spesialfelt, fuglekikking.   Når alt kjem til alt handlar det mykje om personlege preferansar, og kanskje spesielt når ein snakkar om Steiner, med sine spesielle og eigne løysingar på mellom anna sidelysbeskyttelse og forming av grepet. Nokon likar det, andre foretrekk meir generell utforming. Men til sitt bruk, er Steiner Discovery 10×44 eit ypperleg val. Den finst òg i ein tilsvarande 8×44-variant.

Sjå Steiner Discovery 10×44 i vår nettbutikk.

 

Kowa BD 8×32 DCF WP

Kowa BD 8×32 er ein kompakt og solid handkikkert til allsidig bruk. Fordelen med denne kikkertstorleiken er at den er meir lyssterk enn kompaktkikkertane (typisk 8×20), men fysisk mindre enn standardkikkertar (td. 8×42). Kikkerten er dermed ideell til tur i skog og fjell, men passar òg fint til jakt på ryper, skogsfugl og anna vilt. Dette er ein lett allround-kikkert med høg ytelse.

 

Kowa BD 8x32 DCF WP

Kowa BD 8×32 DCF WP

Vitale data
8x forstørrelse, 3 2mm lysopning, 4 mm utgangspupill, 15 mm augeavstand

Vekt og storleik
Med sin 560 gram ligg BD 8×32 omlag midt på treet. Vekta er med på å skape stabilitet, og i dette tilfellet kjennast kikkerten velbalansert ut. Både lengde og breidde er omlag 12 cm, noko som gjer den liten og kompakt. Kikkerten ligg godt i handa. Designmessig er Kowa kjent for stilreine kikkertar med duse fargar. Utsjånadsmessig er dette ein flott kikkert.

Bildekvalitet
Kowa BD 8×32 har 7.5˚ eller 131m/1000m synsfelt. Dyrare konkurrentar har større, men synsfeltet kjennast likevel behageleg ut. Kikkerten passar veldig godt til bruk på dagen, men vil naturleg nok miste litt lysstyrke i skumringa. Om du treng ein meir lyssterk modell, så er 8×42 eit bedre (men tyngre, større og dyrare) val.
Dette er ein skarp kikkert for prisklassa. Ein merkar at biletet vert meir sløra omlag 70% ut mot randa av synsfeltet. På vårt eksemplar er skarpheten litt dårlegare mot nedre og høgre rand, men utan at dette vert merkbart i dagleg bruk.
Kikkerten har litt kromatisk aberasjon i sterke kontrastområder, noko som er forventa i denne prisklassa. Men ellers har kikkerten god fargegjengiving, utan synleg fargestikk.
Litt tønneforteikning må ein rekne med (rette linjer bøyer seg utover mot randa av synsfeltet), men dette er noko ein som som regel kun merkar når ein studerer horisonten. Til vanleg bruk i naturen spelar ikkje dette inn på synsopplevinga.
Litt lav kveldssol gav oss sjansen til å sjekke motlyseigenskapane. Som forventa når ikkje Kowa BD 8×32 heilt opp med dei beste, men resultatet er likevel meir enn akseptabelt! Kikkerten har god innvendig baffling (innvendig struktur for absorbering av strølys), men vi skulle ønske at Kowa hadde brukt mattare overflatebehandling på innsida av kikkerttuba. Dette hadde truleg minska sløringa enno meir.

Byggkvalitet
Denne kikkerten kjennast veldig solid og robust ut, og alt av mekanikk er jamn og slarkfri.
Fokuseringsskruen gir grei motstand. Diopterjusteringa er kanskje i hardaste laget, men vil truleg gå seg til litt under bruk. Fordelen er at innstillingane ikkje endrar seg under bruk. Fokuseringa fell i ein naturleg posisjon for peikefinger utan at ein treng å tenke, og kikkerten fungerer fint for bruk med ei hand. BD 8×32 fokuserer til venstre mot uendeleg, noko som er vanleg for mange produsentar.
15 mm augeavstand burde gå bra folk oss som brukar briller, men personleg opplevde vi at ein mista litt av synsfeltet, sjølv med augemuslingane på  innerste stille. Om du brukar briller, så bør du teste ut dette før du kjøper. Det er mulig at du opplever det samme.
Kowa BD 8×32 har ei nærgrense på 1.5 meter, noko som må seiast å vere bra. Bruken av dette er litt avgrensa, men ein kan kome i situasjonar der denne eigenskapen vert nyttig.
Kikkerten er naturlegvis nitrogenfylt og vèrtetta, så du bør ikkje vere redd for å bruke denne under krevande forhold! Objektivlokka som følger med sit godt på, men vi trur nok erfaringsmessig ikkje desse kjem til å bli bruk så mykje. Dette er ein kikkert du vil bruke mykje, og som dermed ein med fordel bør ha «klar til bruk» i oppbevaringsetuiet (eller rundt halsen).

Kompakt kikkert som ligg godt i handa.

Kompakt kikkert som ligg godt i handa.

Pris
Med ein pris på rundt 4000,- er dette ein kikkert som ligg i mellomskiktet. Om du brukar kikkert mykje, er det vel anvendt pengane. Ved normal bruk vil denne kikkerten gi glede i lang tid.

Generelt inntrykk
Kowa er ikkje eit særleg kjent merke i Noreg, men vert rekna som eit av dei store merka i Sverige. Dette har nok litt med historikk å gjere. Kikkerten vert laga i Japan, og alle delar har høg kvalitet. Kowa har eit stort utval av kikkertar i alle prisklasser, og har òg eit glimrande sortiment innan spottingskop. Om du treng ein solid og robust turkikkert som vil tene deg godt i mange år, så er Kowa BD 8×32 DCF WP eit ypperleg val.

Sjå Kowa BD 8×32 DCF WP i vår nettbutikk.

Introduksjon til kikkertsikte

Kikkertsikter er ein viktig del av jaktutrustninga, og vil i mange tilfeller vere avgjerdande på når du vil vere i stand til å jakte. Sidan både rifla og siktet begge er sentrale brikker eit våpensystem, er det ein fordel at desse står i forhold til kvarandre. Det er større forskjell på ytelsen på kikkertsikter enn på dei fleste rifler. Det er såleis lurt å tenke seg at kikkersiktet er den eine delen i våpensystemet som verkeleg kan gjere ein forskjell!

Leica ERi-2-5-10x42

Leica ERi-2-5-10×42

Spesifikasjonar
Kikkertsikte brukar samme type spesifikasjonar som vanleg handkikkertar, dvs med opplysning om forstørring og lysopning. Du kan td. finne betegnelsar som 3-9×40. Her snakkar vi i såfall om eit kikkertsikte med justerbar forstørring mellom 3 og 9 gongar, og med 40mm lysopning.

Forstørring
Som med alle andre optikktypar, er det her snakk om å velge korrekt forstørring til kvart enkelt spesifikt formål. Mange foretrekker ei forstørring mellom 5 til 10x, men det er sjølvsagt avhengig av kva ein jaktar på.

– Jaktar du i tett skog, på korte avstandar (td. jakt på elg og hjort i tett skog) er det ein fordel med låg forstørring. Då får du større synsfelt, og du får eit stabilt bilete pga låg forstørring. Vi snakkar her om forstørringar opp til 5x.

– Opererer ein med skyteavstandar på under 100 meter, og gjerne frå sittande stilling, er det lurt med middels forstørring. Dette vil seie mellom 5 og 10x. Det meste av jakt i Noreg vil stort sett falle inn under denne kategorien. Om ein brukar høgare forstørring enn 10x, vil det ofte bli meir utfordrande å halde bildet stødig. Ein er då kanskje meir avhenig av å bruke anlegg.

– På skytebana og jakt på lengre avstandar (td. reinjakt), gjerne i liggande positur, kan det vere ein fordel med forstørringar over 10x. Ein har då ofte betre tid og meir forutsigbare skyteposisjonar, noko som tilseier at ein kan bruke større og tyngre kikkertsikte utan at dette går nevneverdig ut over stabiliteten.

Kvalitet på optikk
Som med optikk flest, stiller høg forstørring store krav til optisk ytelse. Høg forstørring med dårlig optikk fører til eit uskarpt og slørete bilete der det er vanskeleg å få med seg detaljane. Om du skal ha eit kikkertsikte med høg kvalitet på høg forstørring, må du rekne med å bruke litt pengar. Det er ein klar sammenheng mellom optisk kvalitet og pris. Kikkertar med god optisk ytelse brukar ofte meir eksklusive glastypar med lav kromatisk aberasjon og god skarphet over heile synsfeltet. I tillegg vil overflatebehandlinga på optikken òg spele inn på ytelsen i skumring og på natta. Ein god overflatecoating er òg viktig for å unngå dugg på linseoverflatene, samt at regnet skal prelle av på ein god måte. I dei siste åra har sjølve glaskvaliteten stort sett blitt veldig god, og den største utviklinga no ligg i overflatebehandlinga av linseoverflatene.

I tillegg er optikk med variabel forstørring meir komplisert i konstruksjonen enn optikk med fast forstørring. Om du vil ha mest mogleg optisk ytelse for pengane, er optikk med fast forstørring det beste valet. Men du er då litt mindre fleksibel på forstørringane, og må såleis ta eit litt tøffare val med tanke på forstørring. Her kan det vere eit godt tips å prøve ut litt ulik optikk på førehand, slik at du er sikkert på at du gjer eit korrekt val i forhold til den jaktforma du kjem til å bruke mest tid på.

Synsfelt
På samme måte som med handkikkertar, vil kikkertsikte vise synsfelt som breidde på synsfeltet på 1000 meter avstand. Eit stort synsfelt er fordelaktig, fordi du då har lettare for å oppdage dyr som kjem inn i synsfeltet frå sidan av. Dermed får du meir tid til å vurdere om forholda ligg tilrette for eit godt skot eller ikkje.

Augeavstand
Det er viktig med god avstand mellom auget og okularenden på kikkertsiktet, spesielt ved grovkalibra våpen. Samtidig er det ein stor fordel om du òg har størst mogleg synsfelt på denne avstanden. Augeavstanden vert ofte kortare ved høgare forstørring, men i dag klarer vi stort sett å produsere kikkersikte med fast augeavstand, med alle forstørringar. Dette er ein stor fordel!

Utgangspupil
Ein kalkulerer utgangspupillen til kikkertar og kikkertsikter ved å dele objektivdiameteren på forstørringa. 40mm lysopning og 3x forstørring gir då ein utgangspupill på ca 13mm. Dette talet fortel om kor mykje lys som slepp fram til auget gjennom okularopningen på kikkertsiktet. Vår auge kan maksimalt opnast til 7mm lysopning på natta. På dagtid er denne opninga som regel rundt 2-3mm.

Retikkel (siktemiddel)
Dette er sjølve siktemiddelet i kikkertsiktet, og dette kan vere utforma på mange måtar, alt etter type mål og personlege preferansar. Det er meir og meir vanleg med retikkel som er opplyst av ein LED-lampe, og gjerne med justerbar lysstyrke for å kunne fungere både på dagtid og om natta. Ofte er siktelinjene laseretsa inn i mattskiva, medan treffpunktet vert markert med eit lysande raud punkt. Legg merke til at opplyst retikkel gjer kikkertsikte noko dyrare, og du bør dermed vurdere om du heller vil legge desse pengane i betre optikk. Men det enklaste er sjølvsagt å gå for den beste løysinga, opplyst retikkel og knallbra optikk! Mange produsentar leverer samme modellen, men med ulikt typar retikkel. Då har du høve til å velje den retikkelen som passar best til ditt bruk, utan å måtte velje ein annan kikkertsiktemodell.

Retikkel

Retikkel

Parallakse
Treffpunktet vil endre seg litt når du bevegar på hovudet under sikting. Dette medfører at treffpunktet kan endre seg litt. Dei fleste kikkertsikte er designa for null parallakse på 100 meters avstand. Enkelte modellar har innebygd justering av parallaksen, slik at du kan justere bort avviket mellom siktepunkt og treffpunkt. I praktisk bruk er det dog sjeldan at ein får bruk for dette.

Vekt
Vekta på kikkertsiktet bør stå i samanheng med våpenet, slik at ein får ein naturleg god balanse. Om du går over lengre avstandar under jakta, bør ein òg tenke litt på totalvekta på utstyret. God optikk er ofte både stor og tung, og dette er noko ein absolutt bør ta med i vurderinga. Samtidig bør du forsikre deg om at kikkerten er vanntett. Helst bør kikkerten være fylt med nitrogen da dette gir svært god beskyttelse mot dugg på innsiden av kikkerten.

Værtetting
Det er ein fordel med værtetta optikk. Då treng ein ikkje bekymre seg over denne når du brått står overfor dyret. I tillegg er dei fleste gode kikkertsikte fylt med nitrogengass, som innheld svært lite fuktighet. Dette medfører at du får ein optikk som ikkje duggar på innsida. Er optikken nitrogenfylt, kan du dermed rekne med at værtettinga òg er på stell!

 Avstandsmålar
For å måle nøyaktig avstand til målet, har flere produsentar modellar med innebygd laseravstandsmålar. Men dette er ei nokså dyr løysing, og medfører òg at vekta aukar. I tillegg går det litt ut over den optiske ytelsen, samanlikna med tilsvarande modell utan avstandsmålar. Eit alternativ kan vere å bruke ein handkikkert med avstandsmålar, eller ein separat handholdt avstandmålar. Då måler ein gjerne opp avstanden på førehand, slik at ein har nokonlunde oversikt over forventa avstand til målet.